كتاب عجائب الناس من تاريخ إبن إياس الكاتب عامر صالح
كتاب ممتع لمحبي النوادر والغرائب
كيد النسا يتجلى في المثل دا
يا سلام سلم. الحيطة بتتكلم
الموضوع بإختصار إن فيه راجل إسمه أحمد الفيشي زعل مراته وراح قعد جنب بيته فلقى حيطة البيت بتقوله إتقي الله وعاشرها بالمعروف. الراجل اتخض وجرى على مراته وصالحها.
وكان كل ما يزعل مراته الحيطة تقوله كدة. ولما أتكرر الموضوع ذاع صيت الحيطة دي والناس بقت بتجيلها من كل مكان وتتبرك بيها وتعبدها كمان. لدرجة أنهم كانوا بيستفتوها في كل كبيرة وصغيرة.
الموضوع وصل لقاضي مصر جمال الدين محمود فقرر يروح لبيت الفيشي وفعلا لقى الحيطة بتتكلم بس عرف أن الموضوع فيه مكر... فقرر يخلي عيونه تتجسس لحد ما عرف الحقيقة..
زوجة الفيشي أتفقت مع راجل فقير إسمه الشيخ عمر إبن الركن أنه يجي ويتكلم بصوت غليظ من خلف الحائط فأعتقد الناس أن الحيطة بتتكلم ودا بسبب إن جوزها كان بيسئ معاملتها . ساعتها القاضي حكم على المرأة تتضرب ب ٦٠٠ ضربة والراجل اللي عمل الحيطة وزوجها برضه يتضربوا بس بحاجة أسمها المقارع.. وإن الثلاثة يصلبوا ويتلف بيهم شوارع القاهرة.. ودي كان أمر جلل أن أمرأة تصلب بتلك الطريقة ..
ومن يومها والمثل الشائع يا سلام سلم دا الحيطة بتتكلم بقى مثل متداول..
طبعا القصة دي وقصص أكثر منها بكتير حتلاقوها في كتاب
عجائب الناس من تاريخ إبن إياس
الكاتب عامر صالح
دار النشر العليا للنشر والتوزيع
عدد الصفحات ١١٢
اللغة عربية فصحى..
كتاب ممتع لمحبي النوادر والغرائب
ما هو رد فعلك؟
أعجبني
0
لم يعجبنى
0
أحببته
0
أضحكني
0
أغضبني
0
أحزنني
0
واااو
0
ريم جمعه
كاتبة مصرية
