الصحبجية ٢ / مجموعة شعراء

مراجعة ديوان: (الصحبجية ٢)

 أولا: اسم المؤلف

 مجموعة شعراء ألا و هم: سالم الشهباني، نبيل عبدالحميد، أحمد النجار، دعاء عبدالوهاب، محمد إبراهيم، أحمد البوهي، محمد السيد، ممدوح فوزي، إيرين يوسف، أحمد شبكة، خلف جابر، مروة جمال الدين، ضياء الرحمن، أحمد الراوي، عمرو أبو زيد

ثانيا: اسم الدار

دار دَوِّن للنشر و التوزيع 

ثالثا: سنة طبع النسخة

سنة ٢٠١٧ 

رابعا: الديوان

في هذا الديوان نلتقي ب١٥ شاعر و شاعرة لكل واحد منهم ٣ قصائد، و من الطبيعي أن نجد ما هو ممتاز و متوسط و دون المستوى و من الممكن أن يتفرعوا أكثر من هذا و لكن الأهم أي من هذه التصنيفات هى الغالبة في مجمل القصائد و من بعدما انتهيت من قراءة هذا الديوان فالأغلبية متوسط و فوق المتوسط و حيث التفريعات، المواضيع التي تتمحور حولها هذا الديوان كالاتي: الحب بشكله الإيجابي؛ الحب بمعناه المعروف الجميل و السلبي؛ الفراق و التحدث عن الأمور الحياتية بتشبيهاته الجميلة الرائعة و نجده في قصائد مثل: عكس السير و استقالة و ٦ ريختر و محتاج هدنة و القاهرة و نجد أيضا في هذا الديوان الحديث عن المشاعر الدفينة داخل الواحد منا مثل: من أوراق الوجع السرية و غنوة المجروح و هيستيريا و نجد في هذا الديوان رسمة بتعبر بشكل مجمل عن ٣ قصائد لكل شاعر و هذه الرسمة موجودة قبل الخوض في قصائد كل شاعر في هذا الديوان و كثير منها لمعبر فعلا 

خامسا: عدد صفحات الديوان

 ٢٢٠ صفحة

سادسا: عدد أيام انتهائي من الديوان

 ٤ أيام

سابعا: المقتطفات المأخوذة من الديوان

٤ قصائد ألا و هم:.

* عروسة قماش..

قلبها موعاش..

غير ع القصاقيص

عملتها الجِدة بباقي التوب..

و سابتها لحد ما يجي عريس

و استنّوا كتير..

_ جه ؟ _ لسه مجاش

استنوا أكتر..

القلب اتفتح و اتدوّر..

دبّت فيه الروح

أصبح ممنوع كل المسموح

طِولت ضفايرها.. فخبّوها..

عِليت ضحكتها.. فربّوها..

زعلت من خالها و من أبوها

قعدت استنّى، الباب خبّط

_ جه؟ _ لسه مجاش.. _ لسه مجاش!

دا الواد الحلو البكاش

بيبص و بيوعد و بيجري

ما بيستناش الكداب..

_ طب نسمع هيقول إيه يامّا!

اتسك على إيديها الباب..

أيوبة هتنسى و هتعدي.. و

هترفِي الفستان الوردي..

القلب قماش لكن قيمة..

هينام على أغنية قديمة..

و هيصحى تمام..

و هيستنّى.. الباب خبط

_ جه؟ _ لسه مجاش..ابدئي خافي

دا الواد ابن الكلب الحافي

بيقول شاري و معهوش مليم

_ استنى ما تطردهوش يابا

_ اتلمي.. بلا شغل حريم

أيوبة هتنسى و هتعدي

و هترفِي الفستان الوردي

القلب قماش لكن قيمة

هينام على أغنية قديمة

و هيصحى تمام..

و هيستنّى.. الباب خبط

_ جه؟ _ لسه مجاش.. طفّوا و قيدوا

دا الناس بيقولوا و بيعيدوا

أيوبة اتأخر ليه عَدَلها

_ و الناس يامّا مالنا و مالها

_ لا مالنا إزاي ادًيني أَتِرك

لو مش معيوبة ما كان سترك

_ طب ما أنا مستورة و مرضية

اتنفضوا خدوها على مشامها

_ أنا عمري شكيت م العيشة دية ؟ أ

يوبة مالوش لازمة كلامها

بقى زار ف مزار/ و حريمه كتار/ لف و دوران/ و طبول و دفوف و فَكك و فكوك/ تحاويج عطار/ و تدوخ و تقع/ و تشيلها كفوف و حجاب ف حجاب/ الصوت يحتد/ و صويت و صراخ من تحت لفوق

تهرب. تتجاب../ تبعد. تتشد../ و تنام و تقوم../ و تغيب و تفوق

الزار طوِّل.. عمرين عدوا..

ملعون دا زمان ملعون دا مكان

الناس و أمها سكتوا اتهدوا

بعد ما جابوا أجل الفستان

و كسوها الأبيض بالعافية

لأجل ما يكتموا على أي لسان

أيوبة هتنسى ؟

هتعدي؟

إيه ذنب الفستان الوردي؟

إيه ذنب القلب الغلبان

القلب قماش بس مصدي

كان حلو بيلمع و ستان..

(إيرين_يوسف) 

* بالليل..

بتنام إيدين الناس..

و لا حد بيطبطب

لمض الشوارع أحن

كل اللي بات تحتهم

حَسّ بأمان أقرب

قالوا عليه اتجن

بس اتنسى منهم

و اللي اتنسى بيعيش

بالليل..

العين ما بتخبيش

ما تقولش مش زعلان

و تداري عنهم نُص

قول الوجع قاتلك

بس أنت ما بتحكيش

غير للحاجات الخُرس

ظبط الرصيف رجليا بتهاجر

من فين لفين ما سألش و لا دقق

و لا خطوة وصلت مينا ف الآخر

و لا حلم عدى عليّا و اتحقق

(إيرين_يوسف)

• *مش محبة للكآبة

و عشان مود الكتابة

الحقيقة إني فعلا

مش سعيد

حاسس إني كبرت بدري

أو بقالي ياما بجري

و اللي بجري عليه.. بعيد

أو كأني واد صغير

كل عيد يقعد يدور

في الهدوم على لبس عيد

ببتسم و أضحك و لكن

لسه فيا الحزن ساكن

قلبي عامل زي سيما

كل أفلامها قديمة

و كل ما بتخلص.. تعيد

حتى لقطات السعادة

منتجوها في الإعادة

و قالوا ده الفيلم الجديد

بس برضه هفضل أحلم

من هنا.. لله أعلم

إنما دلوقتي فعلا

لسه قلبي

مش سعيد

(محمد_السيد)

* تجارب

 بابها متوارب..

و دنيا معلقة كهارب..

معايا عصايا و مآرب..

حالفت الحظ ما حالفنيش..

(نبيل_عبدالحميد )

ثامنا: الأسلوب

بسيط و مؤثر 

تاسعا: اللغة

 الديوان بالعامية المصرية و ندرة الأخطاء الإملائية و النحوية و وجود في بعض القصائد كلمات باللغة العربية (الفصحى) و هذا دوما ما يزعجني في الدواوين العامية و إن كان معمول به في الدواوين عموما فأنا كقاريء لا استصيغه

عاشرا: التقييم ٤/٥