رواية ياسمين أبيض - الكاتبه خولة حمدي
رواية ياسمين أبيض الرواية الثالثه في ثلاثية الياسمين
الكاتبه خولة حمدي
إصدار السنة دي ٢٠٢٣
بعيدا عن أن في ناس مش محتاجين ريفيو لروايتهم زي خولة حمدي بس برضو انا هعمل ريفيو لإبداء اعجابي الشديد بالرواية دي تحديدا
كل ما بقول دا آخرها مش هتجيب اعلي من من كده بلاقي الاعلى قدامي
ياسمين أبيض الرواية التالتة بعد غربة الياسمين وعودة الياسمين
في الأجزاء الأولي بدأنا بقصة ياسمين اللي قررت تسافر فرنسا علشان تكمل دراستها وهناك مفروض الإقامة عند باباها اللي تخلي عنها وعن والدتها وسابهم في الجزائر من وهي طفلة وهناك بتتفاحئ بالأب مش بس عمل عائلة تانية لا دا غير اسمه واتنسب بالكامل لعائلة مراته وولادة نشأوا علي دين والدتهم
الملجأ الوحيد ليها كان شاب عربي قابلته في المترو وبدأو يتناقشوا في الكتب اللي بتقرأها لكن فجأه بيختفي عمر من الصورة وبتلاقية متورط في عملية إرهابية
بالاحداث دي بدأت السلسلة في غربة الياسمين وبأحداث كتييييير شيقة جدا جدا في عودة الياسمين بتكملة القصة بجوازها من شخص تاني خالص غير عمر .....
لحد هنا كان خلاص بالنسبالي القصة قفلت ومستحيل تلاقي احداث
لكن فاجئتني جدا لياسمين أبيض..... في الرواية دى بتكون ياسمين رجعت الجزائر مع ابنها بعد استشهاد جوزها لكن الأقدار غالبا مبترحمش لما بيمرض عز الدين ابنها بمرض نادر جدا وبيرجع تاني الطريق يتقاطع بيها هي وعمر ولكن في ظروف - كالعادة- غير مناسبة تماما لوجودهم سوا وبيكون الحل الوحيد أنه يساعد من بعيد وبس
الرواية رهيبة فيها جرعة دراما ونكد تقفل الواحد من حياته بس لو تقدر سيبها ومتكملهاش
بالنسبالي القفلة حلوة جدا وعلي الرغم من أنها نهاية سعيدة بس حسيتها منطقية جدا وكانت لازم تحصل من الاول
الرواية دى انا اديها ٢٠ من ١٠ من حيث الحبكة والأحداث والشخصيات واللغة العربية
انصح بيها جدا جدا جدا جدا لاقصي درجة ♥️♥️
ما هو رد فعلك؟
أعجبني
2
لم يعجبنى
0
أحببته
0
أضحكني
0
أغضبني
0
أحزنني
0
واااو
0
