كتاب ملك من ذهب للكاتب شريف شعبان
المومياوات المصرية نوع من الأسماك المملحة .. تعالى أقولكوا
سنة ١٨٨١ لما أكتشفوا مومياوات الملوك سقنن رع تاعا وأحمس الأول وتحتمس الثاني وستي الأول ورمسيس الثاني في الاقصر .. خافوا ليتسرقوا فقرروا أنهم ينقلوهم في موكب مهيب للقاهرة.
بعد ثلاث أيام ولما المركب وصل القاهرة جه مفتش جمارك عشان طبعا يسجل دخول الممياوات لأرض القاهرة.. قعد يفكر ويشوف حيسجلهم فين ملقاش وصف ولا خانة مناسبة عشان يحط الممياوات في تصنيفها..
فسأل علماء الاثار اللي مصاحبين للممياوات اصنفها إزاي. قالوله هي جثث محفوظة في الملح .. فقالهم خلاص ححطها في خانة أسماك مملحة..
خبار الأثار قالوله أسماك مملحة. متضرش المهم يدخلوا ارض القاهرة وأتعرضت في متحف بولاق سنة ١٨٨٢.. وبس كدة
طبعا المعلومة دي من كتاب ملك من ذهب
المؤلف شريف شعبان
دار النشر الرواق للنشر والتوزيع
عدد الصفحات ٢٧٦ صفحة
الكتاب ملئ بالمعلومات التاريخية عن ملوك العمارنة وسرقة المقابر واكتشاف مقابر وادي الملوك والملكات والكثير الكثير من المعلومات عن الملك توت عنخ أتون أو توت عنخ آمون .. وجبة دسمة من التاريخ بطريقة سلسة جدا جدا جدا جدا .
ما هو رد فعلك؟
أعجبني
0
لم يعجبنى
0
أحببته
0
أضحكني
0
أغضبني
0
أحزنني
0
واااو
0
